Oles Savchuk, profesor de violín, mandolina e guitarra

Aleksandr (Oles) Savchuk, violinista de "A Quenlla", nado en Ucrania e residente en Galicia dende o ano 2004, será o profesor de violín,mandolina e guitarra na nosa asociación neste novo curso 2013-2014.
As clases comezan o venres, 4 de outubro, ás 20.30h. no IES de Ames en Bertamiráns.
Podedes ollar este video e tamén a súa biografía.

Tanto se xa sabedes tocar estes instrumentos como se sodes principiantes, non deixedes pasar a oportunidade de aprender música tradicional galea da man de Oles.

Comezo das actividades da asociación no curso 2013-2014

Comezamos un novo curso coas activades fixas que organiza a asociación.
Todas as actividades serán no IES de Ames en Bertamiráns.
Ademais temos como novidades:

•  as actividades de violín, mandolina e guitarra con Oles Savchuk
• o profesor de acordeón cromático será Marcos Varela.

Indicarvos que as actividades comezan o venres, 4 de outubro, no caso de

•  baile de adultos en horario de 20.30 a 21.50h., no ximnasio do IES de Ames
• acordeón cromático en horario de 20.30 a 22.30h. en aulas do IES de Ames
• violín, mandolina e guitarra en horario de 20.30 a 22.30h. en aulas do IES de Ames.

O resto das actividades (canto, pandeireta e baile para cativos; gaita; acordeón diatónico; requinta; canto e pandeireta; percusión; ensaio da "Requinta da Amaía") comezan o sábado 5 de outubro pola mañán a partires das 10.30h. tamén no IES de Ames.
Consultade os novos horarios e prezos e enviade un correo a follasnovas.ames@gmail.com cos vosos datos indicando as actividades nas que queredes participar ou se precisades máis información.
Vémonos axiña!